R.R.VASANTH

வெயில் காலத்துல ஊருல இருக்கிறது புடிக்கும் ஏன்னா அங்க இளநி, நொங்கு, பதனி, வெள்ளரி காய், வெள்ளரி பழம், தர்புசனி பழம் வெயிலுக்கு எல்லாம் கிடைக்கும் அப்பறம் சொந்தகாரங்க (அத்தை பொண்ணு மாமன் பொண்ணு ;) ) வீட்டுக்கு வருவாங்க இதுல்லாம் விட்டுட்டு பணம் சம்பாதிக்க வெளிநாட்டு முதலாளிகளுக்காக வேலை செஞ்சிகிட்டு இருக்கேன் கீழ இருக்க கவிதைய படிங்க உங்களுக்கும் புடிக்கும். இப்பக்கத்தில் பிழை உள்ளதா? கருத்துரையிடுக நன்றி !

அனைவருக்கும் இனிய அன்னையர் தின வாழ்த்துக்கள். என்னை கவர்ந்த கவிதை,... (சேவியர் – கவிதைகள், காவியங்கள் நூலிலிருந்து) அம்மா. உன்னை உச்சரிக்கும் போதெல்லாம் எனக்குள் நேசநதி அருவியாய் அவதாரமெடுக்கிறது. மழலைப் பருவத்தின் விளையாட்டுக் காயங்களுக்காய் விழிகளில் விளக்கெரித்து என் படுக்கைக்குக் காவலிருந்தாய். பசி என்னும் வார்த்தை கூட நான் கேட்டதில்லை நீ பசியை உண்டு வாழ்ந்திருக்கிறாய் . என் புத்தகச் சுமை முதுகை அழுத்தி அழுதபோது செருப்பில்லாத பாதங்களேடு இடுப்பில் என்னை இரண்டரை மைல் சுமந்திருக்கிறாய். அகரம் அறிமுகமான ஆரம்ப நாட்களில் அன்பின் அகராதியை எனக்கு அறிமுகப் படுத்தியது என் தலை கோதிய உன் விரல்களல்லவா ? எனது சிறு சிறு வெற்றிகளுக்கு கோப்பைகள் கொடுத்தது உனது இதயத் தழுவலும் பெருமைப் புன்னகையுமல்லவா ? வேலை தேடும் வேட்டையில் நகர நெரிசல்களில் கீறல் பட்ட போது ஆறுதல் கரமானது உனது ஆறுவரிக் கடிதமல்லவா ? எனக்கு வேலை கிடைத்தபோது நான் வெறுமனே மகிழ்ந்தேன் நீதானே அம்மா புதிதாய்ப் பிறந்தாய் ? உனக்கு முதல் சம்பளத்தில் வாங்கித்தந்த ஒரு புடவையை விழிகளின் ஈரம் மறைக்க கண்களில் ஒற்றிக்...